De ngvl Baif·cuf gux beirt horx vairt qirx gortBairt ngvrt don sonl xil hhort nox svl yart, xil zortmet gel seirt gairt ban lit let gel ngvl duart, Bairtngvrt zix nox don sonl xil hhort mel quainrt maorlxirl tont nox faint yinrl qirx duart。
Xiaf 1957 met suarx kex, hat zix hhert zix noxBairt· ngvrt· zix yart diaorl cart gort lart hhex, dortnox gaf suarx het, ngal lait zeirx garx Jinrt· cuinl Ba-irt·ngvrt dart mel nox guarx nox sel tel vairt tel,binl qirx 《Bairt·Hanrt·ngvrt Cirt·diaint》 let ngvt,Sit hhert nox horx canx kaot yinl yonrt mot。
Binl vairt svl let ngvt zai gairx, derx derx Yunrt·nart·sent Miert Yuit· weit, Darl· lit Baif·cuf zirl·zirl·zox yinl Jiainrl· cuainx· xiainrl nox dant zenrlniet daorl Zanx Gonrl· Xinx, Yanrt Yinrl· xinx。Zonx Zenrl· cuainx, Lit Hanrl· bef, Zanx Xuf, YanrtYont· xinx, Wanrt Yit· zonx, Zaorl Caif·senx, LitZut·yenrl, Ox Genx·hort, Zanx Venrt·puf, Yanrt Miet. Cenrt Suirl·honrt mal gaf weirx mel guainxhuait zix cirt. Zeirx zex binl vairt ganrt het, YanrtJinx ·miert. Duainrl Suf ·yunrt, Six Zenx ·yif,CenrtGenx ·wanrl, Lit ·horl. Lit Suirl·canx,Zanx Xiaorl,Zaorl Qienl·donx, Zoux Zut·anx mal gaf weirx lilcvrx lart dort hhert。 Baif · cuf xuf zait horx YanrtKef·cenrt, Mat Yaorl, Yanrt Sux, Lit Yif fvx gafweirx lil zaf sil zort donx ngal binl vairt cirt diaintlet ngvt nox,De fvx nox til piarx nox tonrt zirl hort,mal nox ngal xiaf xinl jix het nal nguil mal.
Zanx Zit · zaix tonrt zirl zex zai gairx zon zainguainl xinx, let zain svl ngvt yonx cvrx qirx lart,sainx ngal zil gai yaf mix mel duarx!
Weirx suarx ngal xul venrx qinx yinl xuix bainbix, cirt diaint let ngvt het nox cal curx bif dienrlzeirx zex, ngal cenl cenl xienl xienl nox qiainx hhertnox horx hanl nox horx,dol garx pix pienrt zit zenrl。Binl·svl·horx
1992 suarx nox 7 ngnaux |